Иванов Школа за Лидери Алумни Асоцијација


Нашата организација

ИСЛАА е организација со седиште во Скопје, во која што се вклучени повеќе од 150 млади македонски лидери од бизнис и владиниот секторот, граѓанските организации и од политиката. Сите членови доаѓаат од различни културни, етнички и религиски припадности и живеат во Македонија или во другите држави на Европа. ИСЛАА е целосно посветена на исполнување на својата визија, мисија и статут, преку развој и имплементирање на иновативни иницијативи. Членовите сносат морална и колективна одговорност да ги поддржат активностите на ISLAA и се придржуваат кон универзалните принципи на солидарност, еднаквост и взаемно почитување.  

Нашата Визија:

Визијата на ИСЛАА е да се претстави како силна алумни асоцијација со создавање на влијателен лидерски ентитет.

Цели:

Сведоштва

Александар Ванчоски- Учесник на Школата за Млади Лидери

Најискрено Ви Благодарам за укажаната можност и доверба за учество на Школата за млади лидери, кое беше прекрасна и извонредна можност да ги продлабочам моите знаења и вештини. Можноста да се запознаам, да учам и да споделам мислења со голем број на еминентни личности кои беа наши предавачи е нешто што претставува несекојдневна прилика за спознавање на нови непроценливи знаења и искуства. Во текот на деновите кои ги поминав во нашиот културен и духовен центар Охрид имав можност да запознаам многу луѓе кои сега можам да ги наречам мои пријатели, а кои навистина се уверив дека се потенцијални лидери во своите области. Чувствувам потреба да искажам голема благодарност и до членовите на вашиот Кабинет и останатите кои учествуваа во организацијата на школата бидејќи тие секогаш несебично и крајно професионално ги спроведуваа активностите за непречено одвивање на школата. Господине Претседател уверен сум дека по ваквото искуство нашиот морален компас попрецизно ќе го покажува правецот кон вистинските вредности.

Славе Јовановски - Вработен во Google и е технички водач на новиот YouTube Live Streaming

Ми беше чест да бидам дел од програмата на школата за млади лидери. Би ми било задоволство и во иднина да го споделам моето искуство од дијаспората со оваа импресивна група на млади луѓе. Сигурен сум дека оваа Ваша иницијатива ќе биде успешна и ќе ги изгради идните лидери од висок калибар.

Рисима Рисимкин

Прекрасен програм и пред се, извонредна прилика и можност за младите менаџери, желни за знаење, да се запознаат со извонредни предавачи, кои со нив ќе ги споделат своите искуства и се разбира знаења. Поздрав до организаторите, за реализацијата на програмата, сигурна сум дека ќе вроди со прекрасни плодови и дека дел од овие учесници, ќе ги видиме во иднина на високи позиции во општественото скалило. Многу успех за сите и добар програм до крај, Со почит