Latest ISLAA news

Предавање од Д-р Марко Штенберген – Трет Ден на Школата на млади лидери

#Ден3

Д-р Марко Штенберген, професор на Одделот за политички студии на Универзитетот во Цирих, оддржа предавање на тема „Десет когнитивни стапици на (политичко) лидерство, и како да се одбегнат“.

#МладиЛидери #YoungLeaders17

Обука со Д-р Драган Стефановиќ на третиот ден на Школата за млади лидери

#Ден3

Д-р Драган Стефановиќ, професор на Одделот за студии и владеење и право на Државниот Универзитет Апалачиан, оддржа предавање на тема „Мотивирање/Лидерство“

#YoungLeaders17 #МладиЛидери17

Извршниот директор на ТАВ аеродроми Сани Шенер ексклузивно за Канал 5

#Ден3

„Школата за млади лидери е многу важна иницијатива. Затоа ние како компанија и јас лично дојдов овде да го поддржиме овој настан. Светот денес се менува и ние мораме да им помогнеме на младите луѓе да ги сфатат овие промени и да се позиционираат себеси соодветно. На универзитетите тие учат теории, но младите луѓе исто така мораат да го разберат и практичниот живот. Секогаш велам дека вашите дипломи, кои ги добивате со завршувањето на студиите, имаат рок на траење. Тој рок е четири години. После четири години, вашите дипломи не вредат ништо. Затоа младите луѓе мора да продолжат да учат и да посетуваат тренинзи. Ваквите тренинзи, како што е Школата за млади лидери навистина им помагаат на амбициозните и талентирани млади лидери да ги сфатат случувањата во овој свет кој се менува и да бидат многу добри „играчи“ во економијата“, рече главниот извршен директор на TAV Airports д-р Сани Шенер, и годинешен предавач на Школата за млади лидери, во интервју за Канал 5 Телевизија.

Вториот ден на Школата за млади лидери со експертот за бизнис менаџмент и лидерство – David Goldsmith

#Ден2

Еден од водечките експерти за бизнис менаџмент и лидерство, David Goldsmith оддржа предавање на тема „Платени за да МИСЛАТ: Докажан процес за стратегизирање и 12-те дневни активности на сите лидери“

За време на неговото предавање се одржа и практична работилница во која беа вклучени младите лидери.

#МладиЛидери17 #YoungLeaders17

Божин Трпевски – ТВ Нова 21.08.2017

„Треба да ни е чест на сите учесници што ќе слушнеме зборови од луѓе кои се големи имиња, и ова е многу ретка шанса на едно место да се собрани луѓе од од кои можеш толку многу да научиш“, истакна годинешниот учесник на Школата за млади лидери, Божин Трпевски зборувајќи за неговите очекувања од Школата.

#YoungLeaders17 #МладиЛидери17
#Ден1

Претседателката на Иванов Школата за Лидери – Алумни Асоцијација (ИСЛАА), Данче Ристова на вестите TV NOVA

Претседателката на Иванов Школата за Лидери – Алумни Асоцијација (ИСЛАА), Данче Ристова, беше гостин во вестите на TV NOVA во кои зборуваше за целите, предавачите и учесниците на Школата за млади лидери.

Данче Ристова – Претседателката на ИСЛАА на вестите на TV NOVA

#YoungLeaders17 #МладиЛидери17
#Ден1

Првиот ден свеченото отварање на Школата на млади лидери на претседателот Иванов за 2017 година!

Претседателот на Република Македонија, д-р Ѓорге Иванов, се обрати на свеченото отворање на Школата за млади лидери, што на негова иницијатива по осми пат се одржува во Охрид, од 21 до 31 август.

На свеченото отворање се обратија д-р Стефан Воденичаров, поранешен претседател на Бугарската академија на науките, на д-р Сани Шенер, главен извршен директор на „ТАВ Аеродроми”, на г. Штефан Петер, претседател на управниот одбор на „ЕВН Македонија”, на д-р Давид Пан, декан на колеџот Шварцман при Универзитетот Чингуа, на амбасадорот, д-р Георг фон Хабсбург, како и на д-р Зоран Илиевски, професор на Правниот факултет “Јустинијан Први” при Универзитетот „Св. Кирил и Методиј”, во Скопје.


На годинешната школа ќе присуствваат вкупно 22 реномирани предавачи од врвни образовни и професионални институции од Република Македонија, Европската унија, САД и Кина, кои ќе ги пренесат своите знаења, искуства и видувања за лидерството на вкупно 40 учесници на школата.

„Ви посакувам на оваа обука да ги осознаете сите вештини од овогодинешните предавачи, од луѓе кои зад себе имааат успешни кариери, кои направиле нешто и постигнале во животот и затоа се со нас. Ова е школа и обука на успешните, затоа што со самото тоа што сте тука меѓу нас, вие сте тие што се најуспешни. Ние се обидуваме најуспешните да ги направиме уште поуспешни, затоа што во секое општество сенеопходни луѓе кои водат. Многумина, не знаејќи што се случува, ја поистоветуваат оваа школа со старите школи за политика. Нема тука политика. Тука има вештини за водење и раководење, вештини за создавање на проекти за аплицирање на грантови и наоѓање решенија. За иновација и креација. Ви посакувам овие денови да ви бидат исполнети со многу нови идеи, да ви бидат исполнети со многу нови проекти, со многу нови познанства и многу вмрежувања“, рече претседателот Иванов на отворањето на Школата.

Програмата на школата опфаќа предавања и обуки во сферите на лидерството и менаџментот од страна на еминентни предавачи и гости од врвни образовни и професионални институции, менаџмент-симулации и практични вежби.

Школата за млади лидери е обука на успешните, затоа што со самото тоа што сте тука меѓу нас, вие сте тие што се најуспешни. Ние се обидуваме најуспешните да ги направиме уште поуспешни, затоа што во секое општество се неопходни луѓе кои водат, рече претседателот на Република Македонија, Ѓорге Иванов, на отворањето на осмата Школа за млади лидери, што по негова иницијатива се одржува од денеска до 31 август во Охрид.


#Ден1

#МладиЛидери17 #YoungLeaders17

Подготовките за отворањето на осмата Школа за млади лидери на претседателот Иванов се завршени!

Драги млади лидери,

Се е подготвено за отварањето на осмата Школа за млади лидери на претсeдателот Иванов!

На свеченото отворање освен обраќање на македонскиот претседател, предвидени се и обраќања на д-р Стефан Воденичаров, поранешен претседател на Бугарската академија на науките, на д-р Сани Шенер, главен извршен директор на „ТАВ Аеродроми”, на г. Штефан Петер, претседател на управниот одбор на „ЕВН Македонија”, на д-р Давид Пан, декан на колеџот Шварцман при Универзитетот Чингуа, на амбасадорот, д-р Георг фон Хабсбург, како и на д-р Зоран Илиевски, професор на Правниот факултет “Јустинијан Први” при Универзитетот „Св. Кирил и Методиј”, во Скопје.

На годинешната школа ќе присуствуваат вкупно 22 реномирани предавачи од врвни образовни и професионални институции од Република Македонија, Европската унија, САД и Кина, кои ќе ги пренесат своите знаења, искуства и видувања за лидерството на вкупно 40 учесници на школата.

Меѓу предавачите на осмата по ред Школа за млади лидери се и поранешниот претседател на Република Албанија, г. Реџеп Меидани, професорот на Вартон Школата при Универзитетот во Пенсилванија, д-р Ѓорѓија Петкоски, професорот на Универзитетот во Цирих, д-р Марко Штенберген, како и еден од водечките експерти за бизнис менаџмент и лидерство, г. Дејвид Голдсмит.

Предавања на школата ќе одржат и други истакнати поединци, лидери на успешни компании, и претставници на етаблирани институции од Македонија, Норвешка, Австрија и други земји.

Школата за млади лидери е лична иницијатива на претседателот Иванов. Досега се организирани седум интензивни тренинзи за лидерство – вo 2010, 2011, 2012, 2013, 2014, 2015 и 2016 година. Идејата на претседателот Иванов е да се овозможи на младите талентирани и амбициозни луѓе од Македонија да ги надградуваат и усовршуваат своите вештини, да ја развиваат својата креативност и менаџерски способности.

Програмата на школата опфаќа предавања и обуки во сферите на лидерството и менаџментот од страна на еминентни предавачи и гости од врвни образовни и професионални институции, менаџмент-симулации и практични вежби.

Во изминатите седум години на школата учествуваа 280 млади луѓе и над 160 реномирани предавачи, меѓу кои поранешниот Генерален секретар на ОН, г. Бан Ки-мун, поранешните претседатели на Чешка и на Латвија, г. Вацлав Клаус и г-ѓа Ваира Вике – Фреиберга, поранешните претседатели на Србија, на Бугарија и на Албанија, г. Борис Тадиќ, г. Георги Прванов, г. Петар Стојанов и г. Бамир Топи, поранешниот потпретседател на Европската комисија и поранешен министер за надворешни работи на Италија, г. Франко Фратини, претседателите на Светската и на Европската академија на науките и уметностите, г. Иво Шла

ус и г. Феликс Унгер, како и голем број амбасадори, функционери од Европската унија, директори на меѓународни институти и успешни бизнис компании и професори од реномирани светски универзитети.

Учесниците на досегашните школи се организирани во Алумни асоцијација – ИСЛАА, регистрирана како посебно здружение, коешто низ семинари, панел дискусии, предавања и учества во младински настани, овозможува продолжување на развојот на нивните знаења и вештини.

Почнува осмата по ред Школа за млади лидери на претседателот Иванов!

Драги млади лидери,

Почнува осмата по ред Школа за млади лидери на претседателот Иванов!

Вкупно 40 учесници и 22 предавачи од Македонија, Европската унија, САД и Кина, ќе бидат дел од Школата за млади лидери, што по иницијатива на претседателот на Република Македонија, д-р Ѓорге Иванов, годинава по осми пат ќе се одржи во Охрид, од 21 до 31 август.

Целта на школата е да им се овозможи на младите, талентирани и иновативни луѓе од Македонија да ги надградуваат и усовршуваат своите вештини, да ја развиваат својата креативност и лидерски способности, преку предавања и обуки од сферите на лидерството и менаџментот. И годинава школата е со меѓународен карактер, и на неа ќе учествуваат гости од регионот, но и пошироко.

Меѓу предавачите на годинашната Школа за млади лидери се поранешниот претседател на Албанија, г. Реџеп Меидани, главниот извршен директор на „ТАВ Аеродроми“, д-р Сани Шенер, поранешниот претседател на Бугарската академија на науките, д-р Стефан Воденичаров, деканот на колеџот Шварцман при Универзитетот Чингуа, д-р Давид Пан, амбасадорот, д-р Георг фон Хабсбург, професорот на Вартон Школата при Универзитетот во Пенсилванија, д-р Ѓорѓија Петкоски, како и еден од водечките експерти за бизнис менаџмент и лидерство, г. Дејвид Голдсмит.

Предавања на школата ќе одржат и други истакнати поединци, лидери на успешни компании, и претставници на етаблирани институции од Македонија, Швајцарија, Норвешка, Австрија и други земји.

Годинашната Школа за млади лидери, исто како и минатогодишната, е поддржана од Фондацијата Алијанса на Цивилизациите.

Во изминатите седум години на школата учествуваа 280 млади луѓе и над 160 реномирани предавачи, меѓу кои Генералниот секретар на ОН, г. Бан Ки-мун, поранешните претседатели на Чешка и на Латвија, г. Вацлав Клаус и г-ѓа Ваира Вике – Фреиберга, поранешните претседатели на Србија, на Бугарија и на Албанија, г. Борис Тадиќ, г. Георги Прванов, г. Петар Стојанов и г. Бамир Топи, поранешниот потпретседател на Европската комисија и поранешен министер за надворешни работи на Италија, г. Франко Фратини, претседателите на Светската и на Европската академија на науките и уметностите, г. Иво Шлаус и г. Феликс Унгер, како и голем број амбасадори, функционери од Европската унија, директори на меѓународни институти и успешни бизнис компании и професори од реномирани светски универзитети.

Учесниците на досегашните школи се организирани во Алумни асоцијација – ИСЛАА, регистрирана како посебно здружение, коешто низ семинари, панел дискусии, предавања и учества во младински настани, овозможува продолжување на развојот на нивните знаења и вештини.

Се гледаме во #Охрид!

#МладиЛидери17 #YoungLeaders17

https://mia.mk/mk/Inside/RenderSingleNews/134/133821451